Cad é Gaelscoil?

Is scoil lán-Ghaeilge í Gaelscoil arb í an Ghaeilge:

• Príomh-teanga na scoile.
• Teanga ghnó agus chumarsáide na scoile.
• Teanga theagaisc agus fhoghlamtha i ngach ábhar seachas Béarla.
• Teanga chaidrimh idir múinteoirí iad féin.
• Teanga chaidrimh idir mhúinteoirí agus na daltaí.
• Teanga chaidrimh idir na daltaí féin agus i ngach rud a bhaineann le saol na scoile taobh istigh nó taobh amuigh den scoil.

Is é an tumoideachas an córas oideachais a chuirtear i bhfeidhm sa Ghaelscoil. Ciallaíonn sé seo go bhfuil na daltaí báite sa Ghaeilge óna gcéad lá ar scoil. Labhróidh an múinteoir Gaeilge amháin leis na daltaí ón gcéad lá a thosaíonn siad ar scoil.

Tá labhairt na Gaeilge mar chuid de chód iompair na scoile. Is trí mhealladh agus spreagadh an tslí is fearr chun an Ghaeilge a chur chun cinn – mealladh, moladh, duaiseanna, turas scoile breise & am spraoi breise.

Déanfar cumarsáid leis an Roinn Oideachais agus Eolaíochta, An Roinn Sláinte, An Chomhairle Chontae agus srl trí Ghaeilge. Feidhmeoidh an Bord Bainistíochta trí mheán na Gaeilge.

Tá níos mó eolais le fáil ar www.gaelscoileanna.ie