Gaelscoil Chluainín 07-08

Tuistí na Gaelscoile,

Bhí an chéad bhliain ar an bhfód i nGaelscoil Chluainín thar barr ar fad.
Lastigh de bhliain amháin tá na daltaí uilig cumasach sa Ghaeilge. Bhí seo le sonrú ón a dtaispeántas ag seó an tsamhraidh.

Bhí na daltaí an-ghníomhach i rith na bliana. Rinne siad dhá seó mhór. Ghlacadar páirt i cóisir Daidí na Nollag i mBaile idir Dhá Abhainn le Gaelscoil Liatroma agus Gaelscoil Cnoc na Rae. Bhí siad i mór-shiúl Féile Naomh Phádraig agus d’éirigh go hiontach leo i Feis Shligigh. Bhí a gcóisirí Samhna agus Nollaig féin acu, rinneadar lá spóirt, chuadar ar thuras chuig na hUaimheanna Marmara agus rinne seachtar i rang a dó an chéad Céad Chomaoineach i nGaeilge riamh i gCluainín Uí Ruairc.

Bhí an-spraoi agus spóirt acu ag fóghlaim amhráin, feadóg, rince, iománaíocht, yóga, snámh, bodhrán, ríomhairí, ealaíon agus céird gan trácht ar an obair scoile ar fad a rinneadar, trí Ghaeilge.

Is de bharr sár obair an dá Mhúinteoir Caitríona Ní Ghionáin and Searán Nic Eoin a d’éirigh leo an oiread sin a dhéanamh.

Ar Aghaidh – 08-09

Is mór an áthas dúinn go mbeidh Príomhoide na scoile Sinéad Torsney, a bhí ar iarraidh ar feadh bliana, ag tosnú sa scoil nua ina post mar Phríomhoide. Tá sí ar bís le tabhairt fé an obair atá idir láimhe.

Seans gur chuala roinnt agaibh nach mbeidh Múinteoir Caitríona ag filleadh ar an scoil don bhiain nua. Cé gur oth linn sin a chloisteáil gabhann muid buíochas léi as chuile ní a rinne sí is guíonn muid gach rath uirthi ina post nua.

Beidh muid anois ag fogrú go bhfuil post múinteora le líonadh agus má chláraíonn ceathrar dalta eile beidh muid in ann an triú múinteoir a fhostú freisin.

Beidh an scoil ag fostú múinteoir achmhainí foghlama agus múnteoir cúnta ranga. Beidh siad beirt ag tosú i mí Meán Fhomhair 2008.

.